Það var mikill heiður að þrjár af þeim fjórum konum sem héldu erindi á stofnfundi Samtaka um Kvennaathvarf skuli hafa mætt og tekið á móti fyrstu varasettunum í söfnunarátkinu sem var sett af stað þann 19. mars s.l. Á stofnfund 1982 mættu um 200 konur en til máls tóku Hildigunnur Ólafsdóttir, Guðrún Kristinsdóttir, Ásdís Rafnar og Álfheiður Ingadóttir. Það er magnað að hugsa til þess hversu mikið afrek opnun kvennaathvarfs hefur verið á sínum tíma og er góð áminning um hvað samtakamáttur kröftugra kvenna getur áorkað. Þennan kraft finnur maður sannarlega hjá stöllunum sem standa að baki átakinu „á allra vörum“. Takk stelpur – kraftur ykkar er okkar hvatning! 
